Туркия ва Саудия Арабистонининг қуруқликдаги операцияси айни пайтда кун тартибида эмас. Бу ҳақда 22 февраль, душанба куни Туркия ташқи ишлар вазири Мавлуд Чавушўғли маълум қилди, деб ёзади «Ведомости».
Унинг сўзларига кўра, Сурияга нисбатан бундай ҳаракатлар учун АҚШ раҳбарлигида ИШИД террорчилик гуруҳига қарши курашаётган коалициянинг барча аъзоларини жалб қилиш зарур.
Шунингдек, Чавушўғли Сурияда ўт очишни тўхтатишга эришиш йўлидаги энг катта тўсиқ Россия Ҳарбий-космик кучлари томонидан берилаётган авиазарбалар эканлигини таъкидлади. Унинг қайд этишича, Сурия мухолифати вакиллари 23 февраль, сешанба куни Саудия Арабистони пойтахти Ар-Риёдда учрашиб, ўт очишни тўхтатиш эҳтимолини муҳокама қилади.
Изоҳ (0)