АҚШнинг собиқ молия вазири Лерри Саммерс коррупция ва жиноятчиликка қарши кураш чоралари самарадорлигини ошириш мақсадида 500 евро ва 100 доллар номиналли банкноталарни истеъмолдан чиқаришни таклиф қилди. The Washington Post газетасида чоп этилган мақоласида у Гарвард университетининг бизнес ва давлат бошқаруви муаммоларини ўрганиш илмий марказининг янги тадқиқотига таянган ҳолда шундай ташаббусни илгари сурди, деб хабар беради «ТАСС» агентлиги.
Саммерс ўз вақтида Европа Иттифоқи томонидан 500 евролик банкнотанинг чиқарилишига қарши бўлган эди.
«Баъзи доираларда 500 евролик банкнота ‘бен Ладен’ деб аталади, – таъкидлайди мутахассис. – Замонавий технологиялар қонуний тижоратда йирик номиналли банкноталарга бўлган ҳар қандай эҳтиёжни йўққа чиқаради».
Саммерснинг ёзишича, 500 евролик купюралардан иборат 1 миллион долларлик сумма 2,2 фунт тош босади, 20 долларлик банкноталарда эса шу миқдордаги маблағ 50 фунт вазнга эга бўлади.
«Мавжуд купюраларни йиғиштириб олишдай қадамнинг ташланиши ортиқ даражада хатарли бўлиши мумкин. Лекин юқори номиналли янги купюраларнинг зарб этилишига чеклов ўрнатсак, дунёни яхшилашга ҳисса қўшган бўламиз», – хулоса қилди Саммерс.
Изоҳ (0)