15 февраль, душанба кунидан эътиборан Тошкентда лицензиясиз таксичилар фаолиятига чек қўйиш мақсадида ички ишлар бошқармаси, йўл ҳаракати хавфсизлиги бошқармаси, Давлат солиқ қўмитаси ва «Тошшаҳартрансхизмат» ходимларидан иборат 47 та гуруҳ иш бошлайди. Бу ҳақда Тошкент шаҳар ҳокимлигида бўлиб ўтган матбуот анжуманида маълум қилинди, дея хабар беради «Uz24».
Маълум бўлишича, лицензиясиз йўловчи ташиганлик учун жисмоний шахсларга энг кам иш ҳақининг 20 дан 100, юридик шахслар учун эса 50 дан 100 баробаригача жарима солинади. Агар бу ҳолат қайта такрорланса, жиноий жавобгарликка тортилиш мумкин.
4 ўринли лицензияли такси учун давлат божи йилига 75 доллар, 4 дан ортиқ ўринли такси учун эса йилига 125 доллардан (давлат курсида) иборат. Лицензия олиш масаласида Тошкент шаҳар ҳокимлиги йўловчи транспортининг барча турлари ҳаракатини лицензиялаш ва мувофиқлаштириш департаментига мурожаат этиш лозим.
Эслатиб ўтамиз, олдинроқ пойтахтда ишлаётган такси корхоналари сони 200 га яқинлашгани ҳақида хабар берилганди. Шунингдек, Тошкентда ўтган йили лицензиясиз таксичилик қилаётган 2000 нафар ҳайдовчи аниқлангани билдирилган.
Изоҳ (0)