Россия Туркиядан уриб туширилган Су-24 учун расман кечирим сўралиши, айбдорлар жазоланиши ва етказилган зарар қопланишини кутмоқда. Бу ҳақда Россиянинг Туркиядаги элчиси Андрей Карлов маълум қилди, дея хабар беради «Газета.ru».
«Президент Владимир Путин ўзаро муносабатлардаги кескинликни бартараф этиш учун Туркия нималар қилиши лозимлигини бошидаёқ билдирган. Биз расман узр сўралиши, айбдорлар жазоланиши ва давлатга етказилган зарар қопланишини кутмоқдамиз» , — дея таъкидлаган Карлов.
Элчининг билдиришича, Туркия бўлиб ўтган ҳодисадан афсусда эканлигининг ўзи етарли эмас. Айтиб ўтилган шартлар бажарилмаган тақдирда, Россия ва Туркия ўртасидаги муносабатлар аввалги ҳолга қайтишига умид қилмаса ҳам бўлади.
Изоҳ (0)