Американинг Facebook компанияси Ҳиндистондаги фойдаланувчиларнинг кенг қатламини қулай нарх бўйича интернет билан таъминлашга бўлган уринишларидан воз кечмайди, деб ёзади «ТАСС».
Бу ҳақда компания асосчиси Марк Цукерберг 8 февраль, душанба куни мамлакат ҳукуматининг смартфонлар учун Facebook дастури орқали қатор сайтларга бепул кириш имкониятини вақтинчалик чеклаб қўйиш қарорига жавобан маълум қилди.
«Биз Ҳиндистонда алоқани таъминлашдек муҳим мақсаддан ҳеч қачон воз кечмаймиз, чунки бу мамлакатда бир миллиарддан ортиқ киши интернетга кириш имкониятига эга эмас, — деди Цукерберг. — Биз уларга алоқани тақдим этиб, уларга қашшоқликдан қутулишга, миллионлаб иш ўринларини яратиб, таълим олиш учун имкониятларни кенгайтиришга ёрдам беришимизни биламиз».
Эслатиб ўтамиз, ўтган йил декабрида Ҳиндистон телекоммуникация соҳасидаги назорат органи (Telecom Regulatory Authority of India, TRAI) Reliance Communications мобил операторидан Facebook’нинг Free Basics хизматини блоклаб қўйишни талаб қилгани хабар берилган эди.
Изоҳ (0)