БМТ Хавфсизлик Кенгаши Шимолий Корея томонидан ракета учирилганини қатъиян қоралади, дея хабар бермоқда «Газета.ru».
Баёнотда таъкидланишича, Хавфсизлик Кенгаши КХДР томонидан 2016 йил январида ўтказилган ядро синовига жавобан «жиддий чоралар» кўриш ниятини яна бир бор билдирди.
Аввалроқ КХДР баллистик ракета учириши муносабати билан БМТ Хавфсизлик Кенгашининг навбатдан ташқари мажлиси бошлангани хабар берилган эди.
Эслатиб ўтамиз, Шимолий Корея 7 февраль, якшанбага ўтар кечаси узоқ масофага парвоз қилувчи ракетани учирди. Япония ҳукумати маълумотларига кўра, парвоз маҳаллий вақт билан 09:31 (Тошкент вақти билан 05:31)да Окинава йўналишида амалга оширилган.
Кейинроқ Шимолий Корея аэрокоинот агентлиги сунъий йўлдоши бўлган ташувчи ракета муваффақиятли учирилгани ҳақидаги ҳисоботни чоп этди.
Изоҳ (0)