Туркия президенти Ражаб Тоййиб Эрдўғон АҚШнинг суриялик курдларни қўллаб-қувватлагани учун Анқара ва Вашингтон ўртасидаги ишонч пасайганини маълум қилди, деб хабар беради «Газета.ru».
У АҚШ президентининг махсус вакили Бретт Макгуркнинг суриялик курдларнинг «Демократик иттифоқ» партияси назорат қиладиган Кобани шаҳрига ташрифини танқид остига олди.
Эрдўғон АҚШнинг ушбу вазиятдаги ҳамкори ким эканлигини тушунмаяпти — Анқарами ёки Кобанидаги жангарилар?
Туркия президенти улар учун «Демократик иттифоқ» партияси ҳам террорчилик ташкилоти ҳисобланишини айтиб ўтди. Унинг сўзларига кўра, Туркия учун Курдистон ишчи партияси ҳам, «Демократик иттифоқ» ҳам — бир нарсанинг ўзи.
Изоҳ (0)