Сомали полицияси Могадишо аэропортининг икки нафар ходимини Airbus A321 самолёти бортидаги портлашга алоқадорликда гумон қилиб, ҳибсга олди, деб хабар беради Meduza.
Ҳуқуқни муҳофаза қилувчи органлар талқинига кўра, қўлга олинганлар портловчи мослама бўлган ноутбукни йўловчига берган.
Теракт ташкилотчилари ўйлаб қўйган режага кўра, лайнер энг юқори баландликка кўтарилганда, бомба ҳаракатга келтирилиши, портлаш самолётнинг ёқилғи бакига ҳам таъсир қилиб, самолётдаги барча одамларни ўлдириши керак бўлган. Аммо портловчи ускуна режалаштирилган баландликдан анча пастда ҳаракатга келтирилган.
Daallo Airlines авиакомпаниясининг A321 самолёти бортидаги теракт 2 февраль куни амалга оширилган. Портлаш натижасида бир киши ҳалок бўлди. У лайнер корпусида ҳосил бўлган ёриқдан чиқиб кетган. Учувчилар самолётни муваффақиятли қўндиришга эришган.
Изоҳ (0)