Аргентинада Зика безгагига чалинишнинг иккинчи ҳолати қайд этилди. Бу ҳақда Кордоба провинциясининг соғлиқни сақлаш вазири Франциско Фортуна маълум қилди, деб хабар беради «ТАСС».
Унинг сўзларига кўра, Зика вируси аломатлари Венесуэлага сафар қилган шу провинция вакилида пайдо бўлган. Эркак ҳозирда шифокорлар назорати остида бўлиб турибди, унинг соғлиғига хавф остида эмас.
Бундан ташқари, айни вақтда Кордобада денге безгагига чалинишнинг 34 та ҳолати қайд этилган. Бу касаллик тарқатувчиси ҳам Aedes Aegypti чивини ҳисобланади. Фортунанинг сўзларига кўра, тўрт киши провинция ҳудудида бу касалликка чалинган.
Январь ойининг охирида Зика вируси Аргентина пойтахтида яшовчи колумбиялик аёлда аниқланганди. У бир муддат олдин ўз ватанига сафар қилган.
Эслатиб ўтамиз, 1 февраль куни Жаҳон соғлиқни сақлаш ташкилоти Зика безгаги туфайли халқаро фавқулодда вазият эълон қилди.
Изоҳ (0)