3 февраль, чоршанба куни нефть нархи аввалроқ кескин тушиб кетганидан буён биринчи марта учта сессия ичида ўсиш жараёнини қайтадан тиклади, деб ёзади «Интерфакс».
Лондоннинг ICE Futures биржасида Тошкент вақти билан 13:50 да Brent нефтининг апрель шартномаси котировкаси 0,7 фоизга — бир баррель учун 32,96 долларгача кўтарилди.
Мартда етказиб бериладиган WTI нефти учун фьючерс котировкаси Нью-Йорк товар биржасидаги электрон савдолар чоғида бу вақтгача 0,8 фоизга — баррелига 30,12 долларгача етди.
Нашр эслатишича, 2 февраль куни Brent 4,4%, WTI — 5,5 фоизга арзонлашди. 1—2 февраль кунлари WTI қиймати сўнгги олти йил ичидаги энг юқори даражада — 11 фоизга тушиб кетди.
Изоҳ (0)