Суд тўйга икки ҳафта қолганда никоҳдан бош тортган қуддуслик (Исроил) 19 ёшли қизни моддий харажатлари ва маънавий зарарини қоплаш учун омадсиз куёвболага 60 минг шекель (15 минг доллар атрофида) тўлашга мажбур этди. У, шунингдек, 15 минг шекель (3,8 минг доллар) миқдоридаги суд харажатларини ҳам қоплаб беради, дея хабар беради «NEWSru.co.il».
Қиз суд жараёнида қилмишини гўёки куёв томонидан унга нисбатан зўравонлик ишлатилгани билан изоҳламоқчи бўлди, бироқ бунга бирор далил келтиролмади. Йигит эса судга қочоқ келин билан ёзишмаларини тақдим этди, шунингдек, гувоҳлар ҳам унинг фойдасига кўрсатма берди.
Мазкур ҳукмни чиқарган судья қизни турмушга чиқишга мажбурлай олмаслиги, бироқ у амалга ошмаган тўйни ташкиллаштириш учун (таклифномалар, никоҳ ўтадиган жой буюртмаси, сотиб олинган мебель ва маиший техника ) йигитни жиддий сарфга қўйиб, ўзини енгилтаклик билан тутганини билдирди.
Изоҳ (0)