Таиландда Лотин Америкасида Зика эпидемияси тарқалгандан буён вирусга чалинган биринчи бемор аниқланди. Бу ҳақда мамлакат Соғлиқни сақлаш вазирлигига таяниб, Reuters маълум қилди, деб хабар беради «РБК».
Вазирликнинг қайд этишича бу 2012 йилдан бери бешинчи марта касалликка чалиниш ҳолатидир, аммо мамлакат аҳолиси ўртасида ваҳимага тушишга ҳожат йўқ. Соғлиқни сақлаш вазирлиги Таиландда касалликнинг бирдан авж олиш эҳтимоли йўқлигини маълум қилди. Вазирлик касаллик тарқалишига қарши барча чоралар кўрилаётгани ва вирусга чалинганлар кўпинча тузалиб кетаётганини қайд этди.
Куни кеча Жаҳон соғлиқни сақлаш ташкилоти вирус глобал таҳдид солаётгани учун фавқулодда вазият эълон қилди. Бунга касалликнинг Лотин Америкасида, биринчи навбатда Бразилияда кенг тарқалгани сабаб бўлди. Бразилияда ҳомиладор аёлларнинг вирусга чалиниши оқибатида минглаб болалар туғма касалликлар билан дунёга келмоқда.
Изоҳ (0)