Жаҳон бозоридаги ҳалол маҳсулотлар ва мусулмонларнинг анъаналарига мос келувчи хизматлар яқин йилларда йилига 6,5 фоизга ўсади ва 2020 йилга келиб 2,6 триллион долларга етади. Бу ҳақда Thomspon Reuters ва DinarStandart консалтинг компанияларининг глобал ислом иқтисодиётига бағишланган ҳисоботига таяниб, «РБК» хабар қилмоқда.
Ислом қоидаларига мос келувчи озиқ-овқат маҳсулотлари ҳажми 2020 йилгача деярли бир ярим баробарга ўсади ва 1,585 триллион долларни ташкил қилади. 2014 йилда унинг ҳажми 1,13 триллион долларни ташкил этганди. Бу Хитой (798 миллиард доллар) ёки Америка (741 миллиард доллар)нинг озиқ-овқат маҳсулотлари бозори ҳажмидан кўп деганидир.
2014 йилда ҳалол озиқ-овқат маҳсулотлари ҳажми Индонезияда 158 миллиард доллар, Туркияда 110 миллиард доллар, Покистонда 100,5 миллиард доллар, Мисрда 75,5 миллиард долларни ташкил қилган.
Бразилия, Франция, ЖАР ва Жанубий кореялик инвесторлар ҳалол маҳсулотларни ишлаб чиқаришга қизиқиш билдирмоқда.
Мусулмон қоидаларига мос келувчи кийимлар бозори 2014 йилда 230 миллиард долларни, ҳалол косметика ва дорилар бозори эса 129 миллиард долларни ташкил қилган.
Изоҳ (0)