Суриялик қочоқлар оқими Иордания учун жиддий муаммо бўлиб турибди. Қирол Абдулла II юзага келган вазиятни «ўта ташвишли» дея баҳолади. Бу ҳақда «ТАСС» хабар бермоқда.
«Биз 1,4 миллион атрофида қочоқ қабул қилдик, бу аҳолининг 20 фоизини ташкил этади. Бундан ортиғини уддалай олмаймиз. Бюджетимизнинг тўртдан бири қочоқларга ёрдам учун сарфланмоқда. Ижтимоий хизматлар зўриқиш билан ишлаяпти, ишсизлик даражаси ошиб бормоқда. Ҳозирги босқичда фақат болалар ва тиббий ёрдам талаб этиладиган одамларга эътибор қаратяпмиз. Бундан кейин ҳам қочоқларни қабул қилишда давом этамиз, лекин жуда чекланган миқдорда», — дея таъкидлаган Абдулла II.
Қиролнинг фикрича, Лондонда 5 февраль куни бўлиб ўтадиган қочоқлар муаммосига бағишланган 5-халқаро анжуман вазиятни енгиллаштиришда ёрдам бериши мумкин. У мазкур тадбирда қочоқлар муаммосини Европа етакчилари билан муҳокама этишни режалаштирган.
Изоҳ (0)