Нефть нархининг тушиб бориши Саудия Арабистони ҳукуматини тарихда биринчи марта жаҳон қарз бозорига чиқишга ва облигациялар чиқаришга мажбур қилмоқда, деб ёзади Financial Times. Саудия Арабистонининг Сурия ва Ямандаги ҳарбий иштироки кенгайтирилиши қиролликка қўшимча молиявий юк бўлиб хизмат қилмоқда, деб хабар беради «Газета.ru».
Саудия Арабистони бюджети даромадларининг 73 фоизи нефть сотувидан тушган даромадлардан шакллантирилади. Нефть нархининг тушиши натижасида 2015 йилда қиролликнинг валюта захиралари 97 миллиард долларга камайиб кетди ва ҳозирда 640 миллиард долларни ташкил қилмоқда.
Таҳлилчилар Саудия Арабистони чиқарадиган облигациялар миқдори ва уларнинг даромадлилик даражаси учта факторга боғлиқ деб ҳисобламоқда: нефть нархи, мамлакатнинг олтин валюталари захираси ва бозордаги ўзгарувчанлик. Агар бу йўналишлар бўйича босим тушса, Ар-Риёднинг жаҳон қарз бозорига чиқиши муваффақиятли кечиши мумкин, акс ҳолда саудияликлар юқори фоиз билан бир неча миллиард доллар қарз олиш билан чекланади.
Изоҳ (0)