БМТ Бош котиби Пан Ги Мун 29 январь, жума куни КХДР, Ливия, Мали, шунингдек, Марказий ва Шарқий Африка давлатлари аҳолисига гуманитар ёрдам кўрсатиш учун зудлик билан 100 миллион доллар ажратиш юзасидан кўрсатма берди. Бу ҳақда «ТАСС» хабар бермоқда.
Халқаро ташкилотнинг гуманитар масалаларни мувофиқлаштириш бошқармаси маълумотларига кўра, мазкур сумманинг катта қисми — 64 миллион доллар Жанубий Судан, Бурунди ва Конго демократик республикасидаги бўҳронлар оқибатларини бартараф этишга қаратилган операцияларни молиялаштириш учун ажратилади.
28 миллион доллар Ливия ва Малидаги можаролардан азият чеккан 650 минг кишига кўмак кўрсатиш учун берилади. Қолган 8 миллион доллар эса Шимолий Кореядаги 2,2 миллион киши, жумладан, тўйиб овқатланмаётган 1,8 миллион нафар бола учун гуманитар ёрдамга сарфланади.
Изоҳ (0)