BMT Bosh kotibi Pan Gi Mun 29-yanvar, juma kuni KXDR, Liviya, Mali, shuningdek, Markaziy va Sharqiy Afrika davlatlari aholisiga gumanitar yordam ko‘rsatish uchun zudlik bilan 100 million dollar ajratish yuzasidan ko‘rsatma berdi. Bu haqda “TASS” xabar bermoqda.
Xalqaro tashkilotning gumanitar masalalarni muvofiqlashtirish boshqarmasi ma’lumotlariga ko‘ra, mazkur summaning katta qismi — 64 million dollar Janubiy Sudan, Burundi va Kongo demokratik respublikasidagi bo‘hronlar oqibatlarini bartaraf etishga qaratilgan operatsiyalarni moliyalashtirish uchun ajratiladi.
28 million dollar Liviya va Malidagi mojarolardan aziyat chekkan 650 ming kishiga ko‘mak ko‘rsatish uchun beriladi. Qolgan 8 million dollar esa Shimoliy Koreyadagi 2,2 million kishi, jumladan, to‘yib ovqatlanmayotgan 1,8 million nafar bola uchun gumanitar yordamga sarflanadi.
Izoh (0)