Янги тадқиқот натижалари шуни кўрсатдики, Ой Ер шаклланганидан 100 миллион йил ўтиб, унинг Тейя сайёраси билан бурчак остида эмас, қарама-қарши йўналишда тўқнашуви натижасида пайдо бўлган. Бу ҳақда геокимёгарлар Science журналидаги мақолада маълум қилди, деб ёзади «Корреспондент.net».
Олимлар Ой жинсларининг Аполлон-12, -15 ва -17 экспедициялари билан бирга учиб келган етти хил намуналарини, шунингдек, Аризона ва Гавайи оролларидан келтирилган вулқон жинсларини таҳлил қилиб чиқди.
Натижада Ой намуналарида айнан Ерга тегишли кислород изотопларини топишди.
«Биз Ой ва Ер жинсларидаги изотоплар орасида ҳеч қандай фарқларни топмадик. Агар тўқнашув уринма (эгри чизиқнинг бирор нуқтасига тегиб ўтган тўғри чизиқ) бўйича содир бўлганида эди, космик жисмлар кимёвий таркиби турлича бўлган бўларди, Ойнинг катта қисми таркиби бўйича Тейяга ўхшаш бўларди», — деди тадқиқот муаллифи Эдвард Янг.
Эслатиб ўтамиз, аввалроқ геофизиклар Ой Ернинг Тейя сайёраси билан тўқнашуви натижасида шакллангани ҳақидаги гипотезани тасдиқловчи янги далил топгани хабар берилган эди.
Изоҳ (0)