Мексикада селфи учун солиқ жорий қилинди

Мексиканинг Тулум миллий боғида ташрифчиларга селфи учун тўлов жорий қилинди, дея хабар бермоқда «Hi-tech.mail.ru».

Амалдорлар фикрича, Кариб денгизи манзаралари ва майяларнинг энг сўнгги шаҳарларидан биридаги археологик қазиш ишлари олиб борилаётган жойлар фонида суратга тушишни истаган кишилар бундай ҳашамат учун пул тўлаши керак.

Мобил телефон, планшет, фотокамера, экшн-камера ва бошқа гаджетлардан фойдаланганлик учун тўловлар киритилиши сайёҳлар орасида қизғин баҳсларни келтириб чиқарган. Таъкидлаш жоиз, «селфи учун солиқ»ни боғ маъмурияти эмас, Мексика молия ва давлат маблағ билан таъминлаш котибияти жорий қилган.

Энди ҳар бир сайёҳ боғда тасвирга олиш имкониятини битта қурилма учун 45 песо (2,5 доллар) га сотиб олади. Шу билан бирга боғга кириш чиптаси 60 песо (3,3 доллар) туради.