Тошкентнинг Ўзбекистон кўчасида Cobalt иштирокида ЙТҲ содир бўлди

Facebook ижтимоий тармоғидаги «Водители Ташкента» гуруҳи фойдаланувчилари бугун, 26 январь куни тахминан соат 15:20 да содир бўлган йўл-транспорт ҳодисасидан гуруҳда фотохабар қолдирди, деб хабар беради «Даракчи.uz».

Суратларда Тошкент шаҳри Ўзбекистон кўчасидаги йўлнинг тўсиғига урилиб кетган ва олди томони пачоқланган оқ рангли Cobalt автомобилини кўриш мумкин.

Йўл-транспорт ҳодисаси Ўзбекистон кўчаси Uz Bouling биноси қаршисида юз берган. Ҳодиса оқибатида жабрланганлар ҳақида ҳозирча маълумот йўқ.

Суратда ҳодиса жойига ЙПХ ходимлари етиб келгани тасвирланган. Демак, йўл-транспорт ҳодисаси сабаблари ўрганилмоқда.