Тошкент кўчаларида GM Uzbekistan’нинг янги маҳсулоти — T250 платформаси базасидаги Ravon Nexia автомобили синовдан ўтказилмоқда. Буни тасдиқловчи суратлар Facebook’даги «Водители Ташкента» гуруҳида эълон қилинган.
Суратларда кулранг ва ёрқин яшил рангли икки Ravon Nexia’ни кўриш мумкин. Автомобильларга ёқилғи қуйиш шохобчасидан чиқиб келаётган ҳар иккала машинанинг олд томони қора, орқа томони эса оқ ва қора рангли матолар билан ҳимояланган.
Автомобильнинг давлат рақам белгиси ўрнатиладиган қисмида TAJRIBA ёзуви туширилган пешлавҳа бор. Аввалроқ худди шундай ҳимояланган, ёрқин яшил рангли Ravon Nexia Андижон кўчаларида синовдан ўтказилаётгани ҳақида хабар берилганди.
Эслатиб ўтамиз, Ravon Nexia’нинг тақдимоти 2015 йил октябрида бўлиб ўтганди. Модель 2016 йил баҳоридан Россиядаги автосалонларга етказиб берилиши ҳақида аввалроқ хабар берилган эди.
Изоҳ (0)