Блогерлар Facebook’дан Путиннинг собиқ турмуш ўртоғига тегишли ҳақиқий аккаунт топди

Россия президенти Владимир Путиннинг собиқ турмуш ўртоғи — Людмила Путинанинг Артур Очеретний билан турмуш қургани ҳақида хабарлар пайдо бўлганидан сўнг, россиялик блогерлар ижтимоий тармоқларда Очеретнийнинг саҳифаларини излади. Маълум бўлишича, унинг Facebook’даги дўстлари орасида Людмила Путина бор, деб ёзади TJournal.

... переформулирую: если Очеретный настоящий и существует, тогда это https://t.co/0ipSagHWdY настоящий ФБ-аккаунт Людмилы экс-Путиной

— Leonid Volkov (@leonidvolkov) January 25, 2016

Журналистларнинг фикрича, Очеретний ва Путинанинг аккаунтлари ҳақиқий. Людмиланинг Facebook’да 168 дўсти бор, жумладан, Очеретний ҳам улар орасида. Бироқ Путинанинг дўстлари сафида федерал даражада таниқли кишиларни учратиш қийин.

Унинг тахминий эри деб айтилаётган шахснинг дўстлари орасида умумий ҳақиқий ва таниқли аккаунтлар учрайди. Facebook’даги Очеретний ва Путинанинг ҳақиқийлигини билвосита тасдиқловчи бошқа омиллар ҳам мавжуд.

@leonidvolkov Там какое-то подразделение этого центра, не помню название, создали, и Людмила в тот же день его залайкала

— Kashin⚓Kashin🇬🇧Kashin (@KSHN) January 25, 2016

@leonidvolkov Я к тому, что слишком тонко для фейка

— Kashin⚓Kashin🇬🇧Kashin (@KSHN) January 25, 2016

@leonidvolkov ну вот же pic.twitter.com/hIPgcGQlAf

— крошка цейтнот (@inga_kudracheva) January 25, 2016

Людмила Путинанинг аккаунти эски: унда дастлабки фотосурат 2012 йилда жойлаштирилган. Бироқ, 2015 йил октябрида бу сурат Людмиланинг ўзининг-да эътиборини тортган: «Қандай қилиб бу [фотосурат] йўқ жойдан чиқиб қолиб, шунча яхши кайфият улашганига ҳайронман. Қандайдир ноқулай аҳволда қоларкансан».

Людмила Путинанинг постларини таҳлил қилиб чиққан TJournal’нинг ёзишича, у AdMe ва Lifehacker каби бир неча кўнгилочар саҳифаларни кузатиб боради ва шу каби мазмундаги материалларни — тестлар, «кучли дуолар», ёга билан шуғулланиш видеоларини улашади.

Путиннинг собиқ турмуш ўртоғи Facebook’даги ўз саҳифасида «Литературная учёба» ноширлик уйи фаолиятини ёритиб боради — бу муассасага унинг ҳозирги эри деб тахмин қилинаётган Очеретний раҳбарлик қилади.