Москвада турар-жой қурилиши чоғида тожикистонлик ишчи лифт шахтасига тушиб кетиб, ҳалок бўлди, дея хабар бермоқда «Интерфакс» Россия Тергов қўмитаси бош тергов бошқармасига таяниб.
Ҳодиса 25 январь, душанба куни содир бўлди. Ижорская кўчасидаги турар-жой қурилишини вақтинчалик тўхтатиб қўйиш ишлари олиб борилаётган вақтда лифт шахтасига еттинчи қаватдан тожикистонлик 19 ва 20 ёшли икки ишчи тушиб кетди. Улардан бири олган шикастланишлари туфайли воқеа жойида ҳалок бўлди, иккинчиси жонлантириш бўлимига оғир аҳволда ётқизилди.
Бахтсиз ҳодиса ҳолати бўйича қурилиш жойида тергов текшируви ўтказилмоқда.
Изоҳ (0)