Миср олий апелляция суди 9 январь, шанба куни мамлакатнинг собиқ президенти Ҳусни Муборакка нисбатан чиқарилган ҳукмни ўз кучида қолдирди. Мазкур ҳукмга кўра, у 125 миллион Миср фунти (16 миллион доллар) миқдоридаги маблағни ўзлаштиргани учун 3 йиллик қамоқ жазосини ўташи лозим, дея хабар беради «Корреспондент.net».
Ушбу жиноий иш юзасидан унинг ўғиллари Аъло ва Жамол ҳам ҳибсда бўлган, бироқ тергов давридаги муддатларини ҳисобга олиб, ўтган йил октябрида озод қилинганди.
Собиқ давлат раҳбари қанча вақт маҳкумликда бўлиши ҳозирча маълум эмас. 87 ёшли Муборак 2011 йили қамоққа олинганидан бери аксарият вақтини касалхонада ўтказган.
Изоҳ (0)