Россиянинг Белгород шаҳрида беморни дўппослаган шифокорни ишдан ҳайдашди, дея хабар бермоқда Meduza Тергов қўмитасига таяниб. Айни пайтда эркак ҳеч қаёққа чиқиб кетмаслик ҳақида тилхат ёзиб берган.
2015 йилнинг 29 декабрь куни Белгороддаги 2-сонли касалхонада муштлашув содир бўлди. Тергов версиясига кўра, шифокор бемор урган ҳамширанинг ёнини олган. Касалхона ходими эркакни итариб юборган, шундан сўнг у йиқилиб, боши билан ерга урилган. «Эҳтиётсизлик туфайли ўлдириб қўйиш» моддаси бўйича жиноят иши қўзғатилди.
Тергов қўмитасидагилар аниқлик киритишича, шифокорнинг хатти-ҳаракатларида қотиллик қилиш қасдини топа олишмаган.
Эслатиб ўтамиз, 8 январь куни интернетда касалхонадаги шифокор қабулхонасига ўрнатилган видеокамера ёзуви пайдо бўлди. Унда шифокор ҳамширага тегажоқлик қилган беморни бир зарба билан ўлдириб қўйгани акс этган.
Изоҳ (0)