Суриянинг Риф-Димашқ вилоятидаги Мадая шаҳри аҳолиси очликдан нобуд бўлмоқда, уларга зудлик билан гуманитар ёрдам кўрсатиш зарур. Бу ҳақда БМТнинг Суриядаги гуманитар фаолият бўйича координаторлари Ёқуб Хеллу ва Кевин Кеннеди огоҳлантирди, дея хабар беради «ТАСС».
«Мадаяда қолган салкам 42 минг киши очликдан азият чекмоқда. Ишончли манбаларга кўра, одамлар очликдан нобуд бўлмоқда, шаҳарни тарк этмоқчи бўлганлар эса ўлдирилмоқда», — дейилади координаторларнинг қўшма баёнотида. Охирги марта Мадаяга ўтган йил октябрида озиқ-овқат етказиб берилган.
БМТ вакиллари Суриядаги можарода иштирок этаётган томонларга Мадая каби қамалда қолган Дайр-аз-Зор, Дарай, ал-Фуа, Кефрая, шарқий Гута сингари 15 та туманда яшовчи 400 минг кишига гуманитар ёрдам кўрсатиш учун имконият яратишни сўрамоқда.
Изоҳ (0)