2015 йилнинг декабрь ойида Хитойнинг валюта захиралари рекорд миқдорда 107,9 миллиард долларга камайди. Эндиликда валюта захирасида 3,33 триллион доллар қолмоқда. Бу ҳақда Хитой халқ банкига таяниб, «Ведомости» хабар қилмоқда.
Ўтган йилнинг ноябрь ойида бу кўрсаткич 87,2 миллиард долларга пасайиб, захирадаги пул миқдори 3,438 триллион долларни ташкил қилганди. Хитойнинг Халқаро валюта жамғармасидаги захиралари ҳажми 4,596 миллиард доллардан 4,547 миллиард долларга тушди.
7 январь куни Хитой халқ банки юаннинг долларга нисбатан курсини 0,51 фоизга пасайтирди ва 1 доллар 6,5646 юанга тенг бўлди. Шундан кейин Хитойдаги фонд биржаларида асосий индекслар савдоларнинг дастлабки ярим соатида 7 фоизга тушиб кетди ва савдолар кун охиригача тўхтатилди.
Изоҳ (0)