Саудия Арабистонида шиа уламоси, шайх Нимр ан-Нимрнинг қатл этилиши террорчиларнинг гаровга олинганларни ҳаётдан маҳрум этишини эслатади. Бу ҳақда Ливанга ташриф буюрган Эрон соғлиқни сақлаш вазири Ҳасан Ҳошимий маълум қилди, дея хабар беради «ТАСС».
Ҳасан Ҳошимий.Фото: AFP
«Саудия Арабистони мамлакат озодлиги учун курашганлардан бирини ўлдириб, Яқин Шарқдаги террорчилар бутун минтақа бўйлаб қатлларни амалга ошираётгани каби иш тутди. Саудия Арабистонининг Шарқий вилоятида яшовчи мусулмонлар шахсий фикрини билдириш ҳуқуқига эга, танқид учун қатл этиш мумкин эмас», — дея таъкидлаган Ҳошимий.
Эслатиб ўтамиз, олдинроқ Саудия Арабистони расмийлари 2 январь куни қатл этилган 47 нафар маҳкум устидан «адолатли ва ҳалол суд жараёни» бўлиб ўтганини маълум қилганди.
Изоҳ (0)