Саудия Арабистони нефть ва минерал ресурслар вазири Али бен Иброҳим Ан-Нуайми мамлакат нефть қазиб олишдаги сиёсатини ўзгартирмаслигини маълум қилди, деб хабар беради «ТАСС».
«Бу ишончи сиёсат ва биз уни ўзгартирмаймиз», — деди вазир. «Биз ўз мижозларимиз эҳтиёжини қондирамиз, ишлаб чиқариш (нефть)ни энди чекламаймиз, — деди ан-Нуайми. — Бизда талабни қондириш имконияти бор».
Олдинроқ Саудия Арабистони нефть қазиб олишни суткасига 1,5 миллион баррелга оширганди.
Саудия Арабистони иқтисодиёти 90 фоизга нефть секторига таянган ва бозордаги нархлар тушиши мамлакат иқтисодиётига сезиларли равишда таъсир кўрсатмоқда. Шундай бўлса ҳам, қироллик раҳбарияти катта миқдорда нефть қазиб олишни (суткасига 10 миллион баррелдан ортиқ) сақлаб қолишга қарор қилди.
Эслатиб ўтамиз, арзон нефть Саудия Арабистонида рекорд даражадаги бюджет тақчиллигига олиб келгани маълум қилинди.
Изоҳ (0)