Япон денгизининг Хонсю ороллари аҳолиси ноёб ҳодиса гувоҳи бўлди: Тояма қўлтиғига улкан кальмар сузиб чиқди, деб хабар беради «Корреспондент.net».
Улкан кальмар одатда денгиз тубини тарк этмайди. Шунинг учун қўлтиқдаги дайверлар олган видео ҳозирги кунгача туширилган тасвирлар ичида энг яқиндан олингани бўлди.
Бундан ташқари, инсон биринчи марта бу жонзот билан ёнма-ён турди. Дайвер Акинобу Кимура бу йиртқич одамга нисбатан қандай муносабатда бўлишини билмай туриб, таваккал қилди ва кальмарга яқинлашди.
3,7 метрли бош-оёқли моллюска узунлиги 13 метргача етиши мумкин бўлган гигант кальмарлардан анча кичкина бўлса-да, шунинг ўзи ҳам анча ҳайбатли кўринди.
Изоҳ (0)