Украина президенти Пётр Порошенко мамлакат ҳукуматига Россияга қарши иқтисодий санкцияларни жорий этишга рухсат берувчи қонунни имзолади, деб хабар қилади Meduza.
24 декабрь куни Олий Рада тегишли қонунни қабул қилган эди. Қонуннинг қабул қилиниши мамлакат ҳукуматига бошқа давлатлар томонидан камситилувчи, дўстона бўлмаган ҳаракатларга нисбатан савдо санкциялари ва бошқа чекловчи чоралар қўллашга рухсат беради.
Украина бош вазири Арсений Яценюк қонун Россия томонидан 2016 йил 1 январдан бошлаб қабул қилинаётган санкцияларга нисбатан Вазирлар маҳкамаси жавоб чоралари кўриши учун кераклигини таъкидлади.
Россия 2016 йил 1 январдан бошлаб бир қатор Украина маҳсулотлари импортига тақиқ ўрнатмоқда. Улар қаторига гўшт, сут, мева-сабзавотлар, ёнғоқ, балиқ ва балиқ маҳсулотлари киритилган. Шунингдек, ушбу санадан эътиборан Россия ва Украина ўртасида эркин савдо ҳудуди бўйича шартнома амал қилиши тўхтатилади.
Изоҳ (0)