Bloomberg агентлиги томонидан эълон қилинган 2015 йилда катта маблағ йўқотган жаҳоннинг энг бадавлат кишилари рўйхатида россиялик 19 нафар миллиардер ҳам бор. Улар йил давомида жами 8 миллиард доллардан маҳрум бўлган. Бунга асосий сабаб — Ғарб томонидан жорий этилган санкциялар, шунингдек, нефть нархининг кескин пасайиши, дея хабар беради «Газета.ru».
«Қашшоқлашган» россиялик миллиардерлар рўйхатини «Сколково» фонди президенти Виктор Векселберг бошқармоқда — 1,8 миллиард доллар. Иккинчи ўринда USM Holdings асосчиси Алишер Усмонов қайд этилган (1,6 миллиард доллар). Учинчи ўринни «Лукойл» раҳбари Вагит Аликперов эгаллаган, унинг йил давомида 1,5 миллиард доллар йўқотгани билдирилмоқда.
Изоҳ (0)