Bloomberg Уолл-стритда иш ўринлари ва бонуслар қисқарганига қарамай, келгуси йилда ҳам талабгир бўладиган мутахассисликлар рўйхатини эълон қилди. Бу ҳақда «РБК» хабар бермоқда.
Агентлик томонидан сўров ўтказган таҳлилчилар, иш ўринлари бўйича мутахассислар ва раҳбарларнинг айтишича, нефтгаз соҳасидаги банк ходимларига талаб катта бўлади. Улар энергия ресурсларига нарх кескин пасайишидан жабр кўрган энергетика компанияларига кўмак бериши лозим.
Шунингдек, давлат облигациялари бозорида ишлайдиган трейдерларга ҳам эҳтиёж мавжуд. АҚШ федерал захира тизимининг (ФЗТ) пул-кредит сиёсатини қаттиққўллик билан юритаётгани Америка давлат облигациялари ва улар билан боғлиқ ҳужжатларга талаб ошишига олиб келади.
Bloomberg маълумотларига кўра, реструктуризациялаш, электрон савдо, махсус дастурий таъминот ва корпоратив молия соҳасида ишловчи мутахассислар ҳам Уолл-стритда қучоқ очиб кутиб олинади.
Изоҳ (0)