Эстониянинг Харюск уезд суди Estonian Air миллий авиакомпаниясини банкрот деб топди. 220 дан зиёд кредитор авиакомпаниядан 113,5 миллион евро талаб қилмоқда, компания мол-мулки эса 11,4 миллион евро деб баҳоланган, дея хабар беради «Ведомости».
Estonian Air 2006 йилдан бери молиявий муаммоларга дуч келмоқда. Мамлакат ҳукумати 2008 йилдан то 2014 йилгача компанияга ёрдам бериб келган. Еврокомиссия буни рақобат қоидалари ва Евроиттифоқда авиаташиш бозори талабларининг бузилиши деб топди ҳамда молиявий кўмакни қайтаришни талаб этди.
Estonian Air ҳукуматга 85 миллион евро ва унга қўшимча фоизларни қайтара олмагач, Еврокомиссия 7 ноябрдан бошлаб авиаташувчи фаолиятини тўхтатишга қарор қилди.
Изоҳ (0)