Ukraina prezidenti Pyotr Poroshenko mamlakat hukumatiga Rossiyaga qarshi iqtisodiy sanksiyalarni joriy etishga ruxsat beruvchi qonunni imzoladi, deb xabar qiladi Meduza.
24-dekabr kuni Oliy Rada tegishli qonunni qabul qilgan edi. Qonunning qabul qilinishi mamlakat hukumatiga boshqa davlatlar tomonidan kamsitiluvchi, do‘stona bo‘lmagan harakatlarga nisbatan savdo sanksiyalari va boshqa cheklovchi choralar qo‘llashga ruxsat beradi.
Ukraina bosh vaziri Arseniy Yatsenyuk qonun Rossiya tomonidan 2016-yil 1-yanvardan boshlab qabul qilinayotgan sanksiyalarga nisbatan Vazirlar mahkamasi javob choralari ko‘rishi uchun kerakligini ta’kidladi.
Rossiya 2016-yil 1-yanvardan boshlab bir qator Ukraina mahsulotlari importiga taqiq o‘rnatmoqda. Ular qatoriga go‘sht, sut, meva-sabzavotlar, yong‘oq, baliq va baliq mahsulotlari kiritilgan. Shuningdek, ushbu sanadan e’tiboran Rossiya va Ukraina o‘rtasida erkin savdo hududi bo‘yicha shartnoma amal qilishi to‘xtatiladi.
Izoh (0)