Футзал бўйича Ўзбекистон миллий терма жамоаси бугун, 29 декабрдан навбатдаги йиғинга киришди. Бу ҳақда Ўзбекистон футбол федерацияси матбуот хизмати хабар бермоқда.
Айни пайтда бош мураббий Хосе Мария Мендез ўз ватанида бўлгани туфайли машғулотни унинг ёрдамчилари Баҳодир Аҳмедов ҳамда Николай Одушевлар олиб бормоқда. Йиғинга чақирилган футзалчилардан машғулотда кичик жароҳати борлиги сабаб Рустам Умаров ва Константин Свиридовлар ҳозирча иштирок этмаяпти.
Йиғинда жами 18 футболчи қатнашмоқда.
Эслатиб ўтамиз, футзал бўйича Ўзбекистон терма жамоаси 2016 йилнинг 10—21 февраль кунлари бўлиб ўтадиган Осиё чемпионатига тайёргарлик жараёнини олиб бормоқда. Қитъа биринчилиги финал босқичи учун ташланган қуръа натижасига кўра Ўзбекистон терма жамоаси «А» гуруҳидан ўрин олган. Гуруҳда Хосе Мария Мендез жамоасига Саудия Арабистони, Қирғизистон ҳамда Ливан жамоалари рақиб бўлади.
Таъкидлаш керакки, Тошкентда бўлиб ўтадиган ушбу мусобақада энг юқори 5 ўринни эгаллаган жамоалар 2016 йилнинг 10 сентябридан 1 октябригача Колумбияда бўлиб ўтадиган жаҳон чемпионатига йўлланмани қўлга киритади.
Изоҳ (0)