Британиялик Жон Биден АҚШдан Тинч океани орқали Австралияга қайиқда бир ўзи тўхтамай сузиб ўтган биринчи инсон бўлди. Бунинг учун сайёҳга 209 кун талаб этилди, дея хабар беради The Guardian.
Британиялик сафарини Сан-Францискода июнда бошлаган, бунга 140 кундан 180 кунгача кетиши, саёҳат октябрь ўрталаригача чўзилишини чамалаганди. Аммо об-ҳаво шароитлари туфайли Кернсга (Австралиянинг Квинсленд штати) 27 декабрь, якшанба кунигина етиб келди. Биден олти метрли Socks II қайиғида кунига 15 соатдан сузди. Сафар давомида 53 ёшли британиялик 11,2 минг километр масофани ортда қолдирди.
«Бунчалик қийин бўлишини ўйламагандим, аммо бу айнан мен истаган нарса. Бундай натижага эришган биринчи инсон бўлиш фавқулодда ҳодиса», — дея таъкидлайди Жон Биден.
Изоҳ (0)