Германия Федератив Республикаси канцлери Ангела Меркель «Франс Пресс» версияси бўйича 2015 йилнинг энг нуфузли кишиси бўлди, Россия президенти Путин рейтингда иккинчи ўринни эгаллади, деб ёзади «РИА Новости».
Агентлик журналистлари Меркелни Евроиттифоқдаги муҳожирлик инқирозини ва Греция давлат қарзи масаласини ҳал этишдаги хизматлари учун ўтаётган йилнинг энг таъсири кучли кишиси сифатида танлаган.
«Франс Пресс» агентлиги журналистлари фикрича, 2015 йилда дунёдаги воқеаларнинг боришига энг катта таъсир ўтказган одамлар рўйхатида Путин иккинчи ўринни эгаллади, 2014 йилда у рейтингда етакчилик қилган эди.
Ушбу рейтингда учинчи ўринни Рим папаси Франциск, кейинги поғоналарни парижликлар, ИШИД етакчиси Абу Бакр ал-Бағдодий банд қилди.
Эслатиб ўтамиз, Time ва Financial Times журналлари ҳам Меркелни йил одами деб эълон қилган эди.
Изоҳ (0)