Тожикистон президенти Эмомали Раҳмон 25 декабрь куни «Тинчлик ва ҳамжиҳатлик асосчиси — Миллат етакчиси тўғрисида»ги қонунни имзолади, дея хабар бермоқда Asia Plus. Шу тариқа, у бир умрга Тожикистон миллати етакчиси деб эълон қилинди.
Қонун давлат раҳбари ролини тинчлик ва миллий бирдамлик асосчиси, тожик суверен давлатчилигининг умрбоқийлиги тимсоли сифатида ифодалайди.
Миллат етакчиси мамлакат президенти лавозимидан кетганидан сўнг республика халқига мурожаат қилиш, муҳим давлат тадбирларида иштирок этиш ва уларда нутқ сўзлаш ҳуқуқини сақлаб қолади.
Қонунга мувофиқ, Миллат етакчиси тавсияларини амалга ошириш барча давлат тузилмалари учун мажбурий бўлади, «муҳим сиёсий ички ва ташқи муаммолар» у билан келишган ҳолда ечилади.
Мамлакатни бошқариш йилларида амалга оширилган барча ҳаракатлари учун Миллат етакчисига дахлсизлик кафолатланади.
Изоҳ (0)