Михаил Ходорковский ташкил қилган «Очиқ Россия» жамоатчилик-сиёсий ҳаракати тинтувлар ўтказилаётганини маълум қилди. Тергов ишлари 22 декабрь, сешанба куни ташкилот ходимлари ва собиқ бизнесмен Кюлле Писпанен матбуот котибининг хонадонларида ўтказилмоқда.
Тергов қўмитаси вакиллари эрта тонгда келган. Улар тинтувлар Михаил Ходорковский иши билан боғлиқлигини айтган.
Тергов қўмитаси расмий вакили Владимир Маркин маълум қилишича, «Очиқ Россия»да ўтказилаётган тинтувлар 2003 йилда қўзғатилган «ЮКОС» жиноий иши доирасида ўтказилмоқда.
Эслатиб ўтамиз, аввалроқ Россия Тергов қўмитаси тадбиркор Михаил Ходорковскийни Нефтеюганск мэри Владимир Петухов қотиллигини ташкиллаштиришда сиртдан айблаган эди.
Изоҳ (0)