Россия жисмоний тарбия, спорт, ёшлар ва туризм давлат университети талабаси, ўзбекистонлик халқаро спорт устаси Элбек Алиқулов шахмат бўйича Москва кубоги якунланишига бир тур қолганда мусобақа ғолиби бўлди. Бу ҳақда «12news.uz» хабар бермоқда.
Мусобақа икки босқичда ўтказилди: йил давомида ўтказилган саралаш босқичи ва ушбу босқичда энг яхши натижага эришган 6 нафар қатнашчи иштирокидаги финал босқичи.
Ўзбекистонлик шахматчи ўзининг асосий рақиби Арман Ержановни мағлуб этганидан сўнг очколарини 7 тага етказди ва энг яқин таъқибчисидан 1,5 очкога илгарилаб кетди. Алиқулов сўнгги турда мағлуб бўлганига қарамай, кубок соҳибига айланди.
Изоҳ (0)