Rossiya jismoniy tarbiya, sport, yoshlar va turizm davlat universiteti talabasi, o‘zbekistonlik xalqaro sport ustasi Elbek Aliqulov shaxmat bo‘yicha Moskva kubogi yakunlanishiga bir tur qolganda musobaqa g‘olibi bo‘ldi. Bu haqda “12news.uz” xabar bermoqda.
Musobaqa ikki bosqichda o‘tkazildi: yil davomida o‘tkazilgan saralash bosqichi va ushbu bosqichda eng yaxshi natijaga erishgan 6 nafar qatnashchi ishtirokidagi final bosqichi.
O‘zbekistonlik shaxmatchi o‘zining asosiy raqibi Arman Yerjanovni mag‘lub etganidan so‘ng ochkolarini 7 taga yetkazdi va eng yaqin ta’qibchisidan 1,5 ochkoga ilgarilab ketdi. Aliqulov so‘nggi turda mag‘lub bo‘lganiga qaramay, kubok sohibiga aylandi.
Izoh (0)