АҚШ вакиллар палатаси мамлакатда нефть экспортига қўйилган тақиқнинг бекор қилинишини маъқуллади. Бу ҳақда «Газета.ru» хабар бермоқда.
Парламент аъзолари кўпчилик овоз билан нефть экспортига бундан 40 йил аввал қўйилган тақиқни бекор этувчи бюджет лойиҳасини маъқуллади. Шунингдек, АҚШ Конгресси қуйи палатаси давлат ташкилотларининг 2016 йил сентябрига қадар молиялаштирилишини ҳам ёқлаб чиқди. Ушбу йўналишдаги харажатлар ҳажми 1,1 триллион долларни ташкил этди.
Бюджет лойиҳаси кўриб чиқиш учун юқори палата — сенатга юборилди.