Nestle Uzbekistan янги Nesquik маҳсулотининг тақдимоти муносабати билан болалар учун янги йил байрами ташкил этди
2015 йилнинг 12 декабрь куни Nestle Uzbekistan МЧЖ ҚК янги Nesquik қулупнай таъмли сутли коктейлининг тақдимоти муносабати билан болалар учун янги йил байрамини ташкил этди. Бу ҳақда компания пресс-релизида маълум қилинди.
Тошкент шаҳридаги «Зарафшон» кинотеатрида ташкил этилган байрам тадбирига Ангрен шаҳридаги 34-сонли болалар уйи ва Чирчиқ мактаб-интернатидан 40 га яқин болалар таклиф этилди. Тадбирда, шунингдек, «Хайрли иш» пойтахт волонтёрлар гуруҳи ва ОАВ вакиллари иштирок этди.
Болалар қизиқарли дастурларда иштирок этиш билан бирга янги маҳсулот мазасига баҳо бериш имкониятига эга бўлди.
Қизиқарли ўйин ва танловларда қатнашган болаларга тадбир сўнгида Nesquik савдо белгиси совғалари ҳамда Nesquik қулупнай таъмли сутли коктейллари тарқатилди.
