Ҳиндистон жанубидаги Тамилнаду штатида сув тошқини қурбонлари сони 347 кишига етди, дея хабар бермоқда «РИА Новости» маҳаллий ҳукуматга таяниб.
Улар берган маълумотларга кўра, 1 октябрдан буён кучли ёмғир туфайли 17,5 мингдан зиёд киши вақтинчалик лагерларга жойлаштирилган. Бундай лагерлардан жами 6605 та ташкил қилинган.
Бундан ташқари, тошқин оқибатида 3889 бош қорамол нобуд бўлган. Ёмғирдан энг кўп штат маъмурий маркази Ченнай, Канчипурам, Куддалор ва Тируваллур туманлари зарар кўрган. 11 278 оилага жами 11 миллион долларлик товон пули тақдим этилди.
Изоҳ (0)