Россия президенти Владимир Путин 10 декабрь, пайшанба куни омбудсмен Элла Памфилова ва ишбилармон Алишер Усмонов билан учрашади. Бу ҳақда «ТАСС» хабар бермоқда.
«Путин Элла Памфиловани қабул қилади», — дея маълум қилди Россия президенти матбуот котиби Дмитрий Песков. Унинг қўшимча қилишича, Россия давлат раҳбари ишбилармон Алишер Усмонов билан ҳам учрашади.
«Учрашув чоғида тадбиркорлик фаолияти, ҳозирги вазиятда йирик бизнес қандай яшаётгани, хусусан, йирик бизнеснинг ижтимоий масъулиятлари билан боғлиқ масалалар ва, албатта, спортга оид мавзулар муҳокама қилинади», — деди Кремль вакили.
Песковнинг сўзларига кўра, Путин шу куни оқшомда Russia Today телеканали ташкил этилганининг 10 йиллигига бағишланган тадбирда меҳмон бўлади.
Изоҳ (0)