Қозоғистон президенти Нурсултон Назарбоев «Халқаро муносабатлар» номинациясида «Йил одами—2015» мукофоти лауреати бўлди. Бу ҳақда Қозоғистон Республикасининг Россия Федерациясидаги элчихонаси хабар берди.
Мукофот таъсисчилари – Россия биография институти ва иқтисодий стратегия институти вакилларининг маълум қилишича, Назарбоев халқаро сиёсат ва Евросиё иқтисодий иттифоқини мустаҳкамлашда эришган муваффақиятлари учун мукофотга лойиқ кўрилган. Қозоғистон президенти 2012 ва 2014 йилларда ҳам ушбу мукофот соҳиби бўлганди.
Назарбоевдан ташқари, мукофот лауреатлари қаторида Россия президенти Владимир Путин, Беларусь раҳбари Александр Лукашенко, Хитой етакчиси Си Цзиньпин, Куба давлат кенгаши раиси Рауль Кастро, Татаристоннинг биринчи президенти Минтимер Шаймиев, патриарх Кирилл, академик Лео Бокерия, кинорежиссёр Никита Михалков ва бошқалар бор.
Изоҳ (0)