Россияга қарши далили бор Эрдўғон, ҳарорати кўтарилаётган Тошкент, жаҳлдор Ботир Қодиров ва куннинг бошқа муҳим янгиликлари

«Дарё»да доимий рукн — ҳар куни энг муҳим янгиликларнинг кечки дайжести бериб борилади.

1. Эрдўғон Россиянинг ИШИД билан савдо-сотиққа алоқадорлиги бўйича далилларга эгалигини айтди. Бир кун аввал эса Россия Мудофаа вазирлиги Туркиянинг ИШИДдан нефть сотиб олиши ҳақида баёнот берганди. «Исботласангиз, истеъфога чиқаман», — деганди Эрдўғон. Россия эса нима учундир Туркияни президентсиз қолдиришга шошилмаяпти.

2. Тошкент шаҳридаги ўртача йиллик ҳарорат 100 йилда 1,7 даражага ошди. Экспертларнинг тахминича, кейинги йилларда Ўзбекистонда ҳаво ҳарорати кескин кўтарилиб кетиши эҳтимоли йўқ эмас.

3. Концерти вақтида жаҳли чиққан хонанда Ботир Қодиров «Истиқлол» санъат саройига зарар етказди. «Даракчи» газетасининг хабар беришича, хонанданинг жаҳлини битта китоб чиқарган, у шу китобни кўриши билан, микрофонни ташлаб, саҳнани тарк этган.

4. Буюк Британия Суриядаги ИШИД марраларига илк авиазарбаларини берди. Хушёр Россия эса дарров Британияга коалиция тузиш таклифи билан чиқди.

5. КОНКАКАФ президенти Алфредо Хавит ФИФАдаги коррупция иши бўйича ҳибсга олинди. ФИФАда яна «қама-қама»лар; сўнгги хабарларга кўра, ҳибсга олинган ФИФА мансабдорлари АҚШга ихтиёрий равишда экстрадиция қилинишдан бош тортмоқда.