Яманнинг Сана шаҳридаги исёнчи хусийлар томонидан назорат қилинадиган суд давлатга хиёнат айби бўйича мамлакатнинг олий раҳбарияти, шу жумладан, президентга қарши ишни бошлади, деб ёзади «РИА Новости».
Айбловлар Яман президенти Абду Раббу Мансур Ҳодий, унинг уч маслаҳатчиси, собиқ ташқи ишлар вазири Риёд Ёсин, Яманнинг АҚШдаги элчиси ва мамлакат миллий хавфсизлиги аппарати бошлиғига қарши илгари сурилди.
Яман ҳукумати айни пайтда ўз ишини Адан — мамлакат жанубидаги исёнчилардан озод қилинган энг йирик шаҳарда туриб олиб бормоқда. Аввалроқ президент Ҳодий Саудия Арабистонидан айнан ўша ерга қайтиб борган эди. Мамлакат пойтахти Сана ҳалигача хусийлар ва Яман собиқ раҳбари Али Абдулла Солиҳ тарафдорлари томонидан эгалланиб турибди.
Изоҳ (0)