1944 йилда Освенцим концлагерида санитар бўлиб ишлаган Мекленбург-Олд Померания ўлкасининг 95 ёшли фуқароси охир-оқибат судланадиган бўлди, дея хабар бермоқда «Корреспондент.net». У Освенцимнинг 3600 дан ошиқ маҳбусларини ўлдиришда шериклик қилганликда айбланмоқда.
2015 йил июнида Нойербранденбург округ суди айбланувчига нисбатан суд жараёни ўтказишдан бош тортган эди. Суд маълумотларига кўра, ўша вақтда 94 ёшда бўлган қария кексалик туфайли юзага келган ақли заифликдан азоб чеккан, бу турли когнитив бузилишларга олиб келган. Экспертлар унинг саломатлиги ёмонлашиб бораётгани туфайли, судланувчи жараёнда қатнаша олмайди, деб топган эди.
Ушбу қарорга кейинроқ Шверин прокуратураси томонидан норозилик билдирилди, уни жараёнда қатнашишга чекланган даражада яроқли деб топиш зарурлигини таъкидлашди. Ўлка олий суди суд иши қариянинг соғлиғига зиён етказмайди, деб ҳисобламоқда.
Нацистик жиноятга алоқадорликда гумон қилинаётган қария айбини тан олса, у уч йилдан 15 йилгача озодликдан маҳрум этилиши мумкин.
Изоҳ (0)